مقالات عامية

صابتني عين

أنا ماني من اللي يرتعشون خوف من العين

مش لعدم إيماني بها لكن داخليًا صارت عندي مناعة ضد هذي الكلمة و كل شي يخصها

لأني عايشت مجتمع و أشخاص كل ما صار عليهم شي قالوا “عين”

انكفت المويا عليهم قالوا عين !!!

اتحندروا في كدمة قالوا عين !!

ضاعت عليهم فلوس قالوا عين !!

تأخرت في الحمل قالت “عين” !!

ما تزوجت قالت “عين” !!

جاه مرض قال “عين”

تخيلوا حتى المرض ألصقوه بالعين !!

ناس اعتزلوا بعضهم

تقوقعوا على أنفسهم و بيوتهم و صاروا متوحدين بس عشان ما تصيبهم عين سواءً من أحد يعرفهم أم لا

مجتمع مريض خواف

يشكون حتى في أقرب الناس لهم

و عندهم مشاكل نفسية مستعصية مع كافة أفراد المجتمع

عن نفسي كل ما يصير لي هو من الله

و لو كانت “عين” برضو ما وصلتني إلا بإذن الله

و الأكيد زي ما فيها شر برضو فيها خير

لأن مافي فترات تمر بدون ما ننصاب بأي شي سواءً مرض،

حزن أو حتى فرح و ليه ما قلنا إن الفرح هو من العين؟!!

يصير الفرح من عند أنفسنا و العين من الناس ؟!

كمان في اعتقادي إن أكثر اللي يهلوسون بهذي الكلمة هم في الأصل عيونهم على الناس عشرة عشرة

بمعنى أقرب ((حسودين))

ليش الحسد ؟ لأنه شيء محسوس حتى مع كذبنا عليه بكلمة (غبطة)

لكنه يظل جزء من الحسد اللي ممكن جميع البشر يشعرون فيه بأي وقت (بلاش مثالية)

لكن إني أعيش عمري في رهاب من كلمة “عين” وأخبي كل الأشياء الجميلة بحياتي حتى أطفالي خوف من شيء وهمي عقولنا هي الليصممته و اعتمدته هنا أتخيل إنه لو أموت أفضل لي و لكل المجتمع.

🖋أشواق آل بشير

اظهر المزيد

اترك تعليقاً

زر الذهاب إلى الأعلى